Հայաստանի անշարժ գույքի շուկան շարունակում է կապված մնալ դոլարից: Կարծիք հայտնեց Հայաստանում գնահատման խոշորագույն ընկերության՝ «Օլիվեր գրուփ»-ի հիմնադիր Հրաչ Հակոբյանը՝ մեկնաբանելով ընկերության կազմած 2014 թվականի շուկայի վերլուծությունը:

Դոլարային արտահայտությամբ գործարքների գները հանրապետությունում նվազել են 10%-ով, սակայն դրամային արտահայտությամբ աճել են 5%-ով՝ այն հանգամանքի հաշվին, որ 2014 թվականի վերջին դրամի փոխարժեքի նվազումից հետո բնակարան վաճառողները դոլարային համարժեքով գները չեն իջեցրել: «Ով բնակարանը վաճառել է, ասենք, 50 հազար դոլարով, այն առաջարկում է նույն 50 հազար դոլարով: Սակայն դրամով, ինչպես հասկանում եք, ավելի շատ է ստացվում»,- նշեց Հակոբյանը:

«Հայաստանի բանկերի 80%-ից, որոնց մենք սպասարկում ենք, հիմա ակտիվորեն աշխատում ենք 4-5-ի հետ: Նրանց աշխատանքի ինտենսիվությունից կարելի է ենթադրել, որ վարկերի տրամադրման հարցում նրանք դժվարություններ չունեն: Բայց դրանց մեծ մասը, իհարկե, դանդաղ է գործում՝ սպասելով արժույթի կայունացման առաջին նախանշաններին: Պատճառներից մեկն էլ Կենտրոնական բանկի՝ ընդհանուր նվազագույն կապիտալը 5-ից 30 մլրդ դրամի հասցնելու պահանջին նախապատրաստվելու անհրաժեշտությունն է»,- ամփոփեց Հակոբյանը: