Միլիարդատերերի էքսցենտրիկությունը երբեմն սահմաններ չի ճանաչում, և դա արտահայտվում է նաև նրանց տների ընտրության ու ձևավորման հարցում: Այս շքերթում ընդգրկված են տներ, որոնք կարող են ունենալ մինչև հարյուր սենյակ, ոսկե լոգարաններ, ադամանդներով զարդարված կահույք և այլն: Ճիշտ է, նման հսկայական տները հյուրանոց են հիշեցնում, բայց դե հարուստներին դա դուր է գալիս:
Ձեզ եմ ներկայացնում աշխարհի 10 ամենաթանկ տները:
10. Updown Court (Ափդաուն Քորթ)
Այս հիանալի և միևնույն ժամանակ խիստ թանկարժեք տունը գտնվում է Անգլիայում: Այն ունի մոտ հարյուր սենյակ, բոուլինգի սրահ և իհարկե լողավազան: Մարմարից պատված ճանապարհը միայն արժե մոտ 3 միլիոն դոլար: Տունն ունի 24 ճոխ կահավորված ննջարան, որոնցից յուրաքանչյուրում առկա է մարմարե լոգարան: Բացի այս ամենից` տունն ունի գինու ամբար՝ մի քանի հազար շիշ պահեստավորված գինիով, թենիսի կորտ և վախի սենյակ...
9. Fluer de Lys
Այս տունը համարվում է աշխարհի ամենագեղեցիկ ու ճոխ տներից մեկը: Ցնցող է այն հանգամանքը, թե ինչքան ոսկի է օգտագործվել այս տան շինարարության համար: Այն բառիս բուն իմաստով ոսկուց է պատրաստված (32 կարատանոց ոսկուց), դրա համար էլ այն վառ փայլում է արևի ճառագայթներից: Տան մոտավոր արժեքը 125 միլիոն դոլար է:
8. Դրակուլայի ամրոցը
Մեզանից ո՞վ չի լսել լեգենդար Դրակուլայի մասին: Այս ամրոցը ժամանակին հենց նրան է պատկանել, իսկ այժմ հանդիսանում է տուրիստական հիմնական կենտրոններից մեկը Ռումինիայում, որի մոտավոր գինը 130 միլիոն ամերիկյան դոլար է կազմում: Միայն ամրոցը շրջապատող վայրերի տեսարժանությունն արդեն ամեն ինչ արժի:
Այս հիանալի տունը գտնվում է Սաուդյան Արաբիայում և արժե 135 միլիոն դոլար: Այն զբաղեցնում է 15 քառակուսի կիլոմետր տարածք, իսկ այն յուրահատուկ են սարքում այնպիսի առանձնահատկություններ, ինչպիսին օրինակ տեղումներից առաջացած ջրերի վերամշակման սեփական գործարանն է: Այստեղ կան մեխանիկայի խանութներ, բենզալցակայն և ավտոլվացման կետ: Ռանչոն ունի նաև սեփական դահկուղի:
Այս տունն ունի 15 ննջարան, որոնցից յուրաքանչյուրն ունի սեփական բակ և սեփական լոգարաններ: Բնականաբար, ռանչոյում գործում են նաև վերելակներ: Ինտերիերը հիմնականում ներառում է կարմիր փայտից և բրոնզից պատրաստված էլեմենտներ, իսկ պատուհանները գունավոր ապակուց են: Նշեմ նաև, որ այս շքեղ տանը ժամանակակից ոգի հաղորդելու համար այն օժտել են գերժամանակակից անվտանգության համակարգով:
Հենց այս առանձնատունն են բազմաթիվ կինոռեժիսորներ ընտրում` որպես նկարահանումների պարտադիր մաս կազմող վայր: 161 միլիոն դոլար արժողությամբ այս առանձնատան սեփականատերը հայտնի է, իսկ բուն առանձնատունը կառուցված է Վիկտորիական ոճով և ունի 5 հարկ:
5. Ուիլլիամ Ռենդոլֆ Հերսթի առանձնատունը
165 միլիոն դոլար արժողությամբ այս առանձնատունը պետական է և կահավորված ու ձևավորված է ամենաբարձր մակարդակով: Այն միաժամանակ կարող է ընդունել հարյուրավոր մարդկանց:
Ֆեյրֆիլդի լճակ համեստ անունը կրող այս շքեղ առանձնատունը, որն ի դեպ ԱՄՆ-ի ամենաթանկ տներից մեկն է, լրիվ անհամեստ գին ունի՝ 190 միլիոն դոլար: Առանձնատունն իր տնամերձ հողամասով զբաղեցնում է 250 քառակուսի կիլոմետր տարածք, իսկ հենց տունը կարող է հյուրընկալել մինչև հարյուր մարդու:
3. The Penthouse
225 միլիոն դոլար արժեցող Պենթհաուս առանձնատունը զինված է գերժամանակակից անվտանգության համակարգով, որը թույլ է տալիս հետևել տանը գտնվող յուրաքանչյուր մարդու ամեն քայլի: Բացի անվտանգության համակարգից` այս տունը զինված է բոլոր հնարավոր էլեկտրոնային սարքավորումներով, որոնք կոչված են հեշտացնելու այս տանն ապրողների կյանքը:
2. Լեոպոլդի առանձնատուն
Ուշադրությո՛ւն, այս տունն արժե ոչ ավել, ոչ պակաս 520 միլիոն դոլար: Այն գտնվում է Ֆրանսիայում և ունի մոտ 7500 քառակուսի մետր մակերես: Այն պատկանում է ֆրանսիացի մի բանկիրի, ով էլ բնակություն է հաստատել այս տանն՝ իր ընտանիքի հետ հանդերձ: Տունն ունի 19 ննջարան, բոուլինգի սրահ, սահադաշտ և ատրակցիոնների սեփական պարկ:
1. Antilla
Հնդկաստանի Մումբայ քաղաքի էլիտար թաղամասում գտնվող այս տունն է հենց հանդիսանում աշխարհի ամենաթանկարժեք առանձնատունը: Դրա գինը կազմում է մոտ 1 միլիարդ դոլար, և այն պատկանում է աշխարհի ամենահարուստ ընտանիքներից մեկին: Անտիլլան ունի 27 հարկ, որոնցից յուրաքանչյուրը հագեցած է էլեկտրոնիկայի վերջին սերնդի արտադրանքով: Այս տունը նաև Հնդկաստանի տնտեսական վերելքի խորհրդանիշներից մեկն է:
WIDE RANGE OF PAYMENT METHODS
DO NOT HESITATE TO CONTACT US