Ձեր ուշադրությանն ենք ներկայացնում ճանապարհորդելու 5 համեմատաբար էժան ուղղություն Հոկտեմբեր-Նոյեմբեր ամսիներին: Ներկայացված են այն քաղաքները, որտեղ Երևանից կարող եք ուղևորվել ուղիղ չվերթով կամ ավտոբուսի միջոցով:
5. Վարշավա
Վարշավան Լեհաստանի մայրաքաղաքն, որը հիմնադրվել է 1300-ական թվականներին: Չնայած հիմնադրման վաղեմության, քաղաքն ամբողջությամբ ավերվել է երկրորդ համաշխարհային պատերազմի ընթացքում, սակայն հարկ է նշել, որ պատերազմից հետո քաղաքը վերականգնվել է նախկին ճարտարապետական ոճին համապատասխան:
Երկկողմանի տոմսի արժեքը մեկ մարդու համար արժե մոտ 155,971 ՀՀ դրամ:
4. Աթենք
Այցելե՛ք հունական մշակույթի ամենահզոր և ամենամեծ կենտրոններից մեկը: Այժմ հունական ավիաուղիների կողմից կանոնավոր չվերթների առկայությունը Երևան-Աթենք-Երևան ուղղություններով առավել հարմարավետ և էժան են դարձնում այս քաղաքը Հայաստանցիների համար: Տոմսի ընդհանուր արժեքը կազմում է մոտ 135,218 ՀՀ դրամ:
3.Կիև
Կիևը Ուկրաինայի մայրաքաղաքն է, անունը կապվում է քաղաքի առասպելական հիմնադիր Կիյի հետ։ Հիմնադրվել է VI-VII դար։ Մինչև 1132թ. եղել է Կիևյան Ռուսիայի քաղաքական, տնտեսական և մշակութային կենտրոնը։ Կիևում բնակչության թվաքանակը մոտ է ողջ Հայաստանի բնակչության թվաքանակին:
Կիև կարելի է ուղևորվել ընդամենը 100,000 ՀՀ դրամով։
2. Թեհրան
Ծանոթացեք մուսուլմանական հարուստ մշակույթի հետ՝ այցելելով Իրանի մայրաքաղաք: Ուղևորությունը առավել դյուրին է դարձել առանց վիզայի ռեժիմի սահմանմամբ: Թեհրանում կարող եք առնչվել նաև հայկական մշակույթի հետ, քանի որ այնտեղ գործում են հայկական 25 մարզամշակութային կենտրոններ և 13 եկեղեցիներ:
Ավտոբուսով երկկողմանի տոմսը Թեհրան արժե 30,000 ՀՀ դրամ:
1. Թբիլիսի
Շատերի համար արդեն ծանոթ դարձած Թբիլիսին ամենաէժան ուղղությունն է: Թբիլիսին բոլորից մոտ է գտնվում Երևանին, այդ իսկ պատճառով ավտոբուսով կամ միկրոավտոբուսով երկկողմանի ուղևորությունը կկազմի ոչ ավել քան 15,000 ՀՀ դրամ:
Աղբյուր՝ passitam.wordpress.com
WIDE RANGE OF PAYMENT METHODS
DO NOT HESITATE TO CONTACT US