Կառավարության այսօրվա նիստում վարչապետ Կարեն Կարապետյանը չօգտագործվող անշարժ գույքի մասով հանձնարարականներ տվեց: Նա նշեց, որ խթանմանն ուղղված լուծումների առաջարկ կա: «Այս ուղղությամբ շահագրգիռ պետական կառույցների ինչպես նրանց ներկայացուցիչներից բաղկացած աշխատանքային խմբի կողմից իրականացվել է ծավալուն նախապատրաստական աշխատանք, որի արդյունքում առաջարկվել է գույքահարկի համակարգի վերափոխման հիմնական սկզբունքներն ու մոտեցումները»,- հավելեց նա:
Նախ, ըստ վարչապետի, գույքահարկի համակարգի բարեփոխման հիմքում պետք է դրվի արդարության սկզբունքը, և այդ սկզբունքի ներքո պետք է սահմանվեն տնտեսական մեխանիզմները: «Գույքի գծով առաջացող հարկը պետք է կապակցված լինի տվյալ գույքի շուկայական արժեքին: Բնակելի անշարժ գույքի դեպքում պետք է նախատեսել, որ ոչ բավարար եկամուտներ ունեցող անձանց համար հարկը կարող է հետաձգվել և վճարվել գույքի օտարման դեպքում: Ռեֆորմի իրականացումը պետք է լինի փուլային եղանակով՝ հաշվի առնելով իրականացման տեխնիկական հնարավորությունները»,- նշեց նա:
Ըստ Կարապետյանի՝ մի շարք այլ հարցերի վերաբերյալ դեռևս կատարվում են հաշվարկներ, և ճշտվում են մոտեցումները:
WIDE RANGE OF PAYMENT METHODS
DO NOT HESITATE TO CONTACT US
Deutsch
English
Française
فارسی
Русский